پیٹرول اور ڈیزل کی قیمتوں میں اضافے کا اعلان

حکومت نے پیٹرولیم مصنوعات کی قیمتوں میں اضافے کا اعلان کردیا۔

پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول 2 روپے 31 پیسے فی لیٹر مہنگا کیا گیا ہے جبکہ ہائی اسپیڈ ڈیزل کی قیمت میں 78 پیسے فی لیٹر اضافہ کیا گیا ہے۔

پیٹرول کی نئی قیمت 398 روپے 96 پیسے فی لیٹر ہوگئی ہے۔

واضح رہے کہ پیٹرولیم مصنوعات کی قیمتوں کا اطلاق رات 12 بجے سے ہوگا جبکہ قیمتوں میں ردوبدل ایک روز کے لیے کیا گیا ہے۔

گزشتہ روز پیٹرول کی قیمت میں 1 روپے 82 پیسے اضافہ اور ڈیزل 91 پیسے فی لیٹر سستا کیا گیا تھا جس کے بعد پیٹرول کی نئی قیمت 396 روپے 65 پیسے اور ڈیزل کی 394 روپے 94 پیسے فی لیٹر ہوگئی تھی۔