اسلام آباد کے پمز اسپتال کے چلڈرن وارڈ کی نرسری میں آگ لگنے سے 14 نومولود بچے جاں بحق ہوگئے۔ ریسکیو ذرائع کا کہنا ہے کہ پمز اسپتال کی نرسری میں صبح 6 بج کر 45 منٹ پر ائیرکنڈیشن کمپریسر پھٹنے سے آگ لگی جو بجھادی گئی۔ حادثے میں مجموعی طور پر 14 بچے مکمل طور پر جھلس گئے،نرسری میں 16 نومولود موجود تھے، 2 کو بچا لیا گیا۔ ضلعی انتظامیہ کا کہنا ہے کہ آگ پمز اسپتال کی ایم سی ایچ وارڈ کے تیسرے فلور پر لگی، اطلاع ملتے ہی ریسکیو ٹیمیں موقع پر پہنچیں، امدادی کارروائیوں میں فائربریگیڈ کی 6 گاڑیوں اور 4 ایمبولینسز نےحصہ لیا، حادثے میں 14 بچے مکمل جھلس گئے۔ وزیر صحت مصطفیٰ کمال نے پمز نرسری میں آتشزدگی سے نومولود بچوں کے جاں بحق ہونے پر گہرے دکھ اور افسوس کا اظہار کیا ہے، انہوں نے کہا کہ بچوں کے انتہائی نگہداشت وارڈ میں اے سی بلاسٹ ہونے کے باعث آگ بھڑک اٹھی، وارڈ میں آکسیجن کی موجودگی کے باعث آگ نے شدت اختیار کی جس کے نتیجے میں 14 معصوم بچوں کی اموات ہوئیں ہیں۔ Post navigation اسلام آباد کے درجنوں اسپتال بنیادی انتظامات سے محروم، لیکن کیوں ؟ سندھ میں جزا وسزا کا تصور نہیں ہے، مقدمات کے اندراج میں تاخیر پر آئی جی سندھ طلب
