ایرانی پاسداران انقلاب کا خطے میں امریکی اڈوں پر بھرپور حملوں کا دعویٰ

تہران: ایرانی پاسداران انقلاب نے خطے میں امریکی اڈوں پر بھرپور حملوں کا دعویٰ کیا ہے۔

پاسداران انقلاب نے بیان میں کہا کہ جنگ برسوں بھی جاری رہی تو ہمارے میزائل دشمن پر برستے رہیں گے، بحرین کے الصخیر ایئرپورٹ پر امریکی ڈرون شیڈز کو تباہ کیا گیا ہے۔

سلمان پورٹ پر امریکی بحری جہازوں کو بھی بھاری نقصان پہنچایا گیا ہے جب کہ کویت کے عارفجان اڈے پر امریکی اسپیشل فورسز کے مرکز کو مکمل تباہ کر دیا گیا۔

پاسداران انقلاب نے کہا کہ امریکی صدر کے دعوؤں کے برعکس ہمارے پاس میزائل اور ڈرون کا وافر ذخیرہ ہے۔

مشرقِ وسطیٰ میں یہ حالیہ کشیدگی اس وقت شروع ہوئی جب رواں سال فروری میں امریکہ اور اسرائیل نے مشترکہ طور پر ایران کے خلاف فوجی جارحیت کا آغاز کیا اور جواب میں تہران نے خلیجی ممالک میں موجود امریکی فوجی اثاثوں اور اڈوں پر ڈرون اور میزائل حملے کیے۔