ٹرمپ نے نیٹو اتحادیوں کو جنگ میں شامل نہ ہونے پر ’بزدل‘ قرار دے دیا

امریکی صدر ڈونلڈ ٹرمپ نے نیٹو اتحادیوں کو ایران جنگ میں شامل نہ ہونے پر بزدل قرار دے دیا۔

الجزیرہ کی رپورٹ کے مطابق امریکی صدر ٹرمپ کا کہنا ہے کہ اتحادیوں نے آبنائے ہرمز کی سیکیورٹی کے لیے فوج نہ بھیج کر غلطی کی ہے۔

انہوں نے کہا کہ نیٹو امریکا کے بغیر صرف کاغذی شیر ہیں، ایران کو جوہری طاقت بننے سے روکنے کی جنگ میں اتحادی شریک نہ ہوئے۔

ٹرمپ نے کہا کہ تیل کی قیمتیں بڑھنے کے باوجود نیٹو ممالک تعاون کرنے سے گریزاں ہیں، آبنائے ہرمز کھولنا آسان اور کم خطرناک اقدام تھا جو اتحادیوں نے نہیں کیا۔