کسٹمز نے سرکاری گاڑی کو نان کسٹم پیڈ کا دعویٰ کر کے ضبط کرلیا: شرجیل میمن

کراچی(14 مارچ 2026): سندھ کے سینئر وزیر شرجیل انعام میمن نے کسٹمز کی جانب سے سندھ حکومت کی گاڑی ضبط کرنے پر شدید ردعمل کا اظہار کیا ہے۔

ایکس پر گاڑی کی دستاویزات شیئر کرتے ہوئے سندھ کے سینئر وزیر شرجیل انعام میمن نے لکھا کہ گاڑی انفارمیشن ڈیپارٹمنٹ کی ملکیت ہے، جو تمام دستاویزات دکھانے کے باوجود تحویل میں لی گئی۔

شرجیل انعام میمن نے بتایا کہ ضبط کی گئی گاڑی محکمہ اطلاعات سندھ کی ملکیت ہے، گاڑی کو کمپنی کے سرکاری آؤٹ لیٹس کے ذریعے خریدا گیا تھا۔

انہون نے کہا کہ صوبائی حکومت کے محکمے کے ساتھ اس طرح کی نااہلی اور رویے کو برداشت نہیں کیا جا سکتا، پاکستان کسٹمز فوری طور پر گاڑی واپس کرکے تحریری معافی مانگے۔