بوگوٹا: کولمبیا میں فوجی طیارہ طیارہ کریش کرگیا، جس کے نتیجے میں کم از کم 66 افراد ہلاک اور درجنوں زخمی ہو گئے۔ غیر ملکی ذرائع ابلاغ کے مطابق سی-130 ہرکولیس طیارہ جنوبی سرحدی علاقے سے پرواز بھرنے کے فوراً بعد کریش کرگیا، حادثے کے بعد طیارے کا ملبہ جنگل میں بکھر گیا جبکہ آگ کے شعلے بلند ہوتے دیکھے گئے۔ فوجی ذرائع کے مطابق ہلاک ہونے والوں میں 58 فوجی اہلکار، چھ فضائیہ کے اہلکار اور دو پولیس اہلکار شامل ہیں۔ اس سے قبل مقامی حکومتی سیکریٹری نے ایک نجی ٹی وی چینل کو بتایا تھا کہ 33 افراد ہلاک ہوئے ہیں جبکہ زخمیوں کو طبی امداد فراہم کرنے اور محفوظ مقامات پر منتقل کرنے کی کوششیں جاری ہیں۔ حکام کا کہنا تھا کہ حادثے کی وجوہات جاننے کے لیے تحقیقات شروع کر دی گئی ہیں۔ حادثہ ایسے علاقے میں پیش آیا جہاں حالیہ ہفتوں میں کولمبیا اور ایکواڈور کی افواج منشیات اسمگلنگ میں ملوث گروہوں اور مسلح ملیشیاؤں کے خلاف کارروائیاں کر رہی تھیں۔ موقع سے حاصل ہونے والی تصاویر میں دیکھا جا سکتا ہے کہ شہری طیارے کے ملبے کے قریب موجود ہیں جبکہ دھواں اور آگ کے شعلے فضا میں بلند ہو رہے ہیں۔ وزیر دفاع نے حادثے پر گہرے دکھ اور افسوس کا اظہار کرتے ہوئے کہا کہ واقعے کی وجوہات کے بارے میں فی الحال کچھ کہنا قبل از وقت ہے۔ Post navigation بین الاقوامی مارکیٹ میں خام تیل کی قیمتوں میں اضافہ پاسداران انقلاب کا آپریشن وعدہ صادق 4 کے تحت حملوں کی 78 ویں لہر کا آغاز
