نیب کی کارروائی: سکھر اور گھوٹکی میں سرکاری زمین منجمد کرنے کی درخواست

سکھر: نیب سکھر کے ڈائریکٹر جنرل کی جانب سے پیپلز پارٹی کے رہنما سردار محمد بخش مہر کے خلاف جاری تحقیقات کے تحت سکھر اور گھوٹکی اضلاع میں سرکاری زمین منجمد کرنے کے لیے احتساب عدالت میں درخواست دائر کی گئی۔
سکھر: سندھ لینڈ کمیشن کی جانب سے “مہر کیٹل فارم” کے لیے لیز پر دی گئی سرکاری زمین میں مبینہ طور پر خرد برد کیے جانے کا انکشاف ہوا ہے، ڈی جی نیب سکھر۔
سکھر: عدالت کو آگاہ کیا گیا کہ ڈپٹی کمشنر سکھر اور ڈپٹی کمشنر گھوٹکی کو مذکورہ زمین تحویل میں لینے اور منجمد کرنے کے حکم کی توثیق کی جائے۔
سکھر: احتساب عدالت سکھر نے محمد بخش خان مہر سمیت دیگر کی جائیدادوں سے متعلق اہم حکم جاری کرتے ہوئے نیب کی جانب سے منجمد کی گئی زمین کے احکامات کی عارضی توثیق کر دی۔
سکھر: عدالت کے جج غلام یاسین کولاچی کے جاری کردہ حکم کے مطابق نیب سکھر کے تحقیقاتی افسر سرور احمد خان نے اسپیشل پراسیکیوٹر نور علی شار کے ذریعے درخواست دائر کی تھی۔
سکھر: درخواست میں قومی احتساب آرڈیننس 1999 کی دفعہ 12 کے تحت ڈی جی نیب سکھر کے منجمدی حکم کی توثیق کی استدعا کی گئی تھی۔
سکھر: نیب کے مطابق محمد بخش مہر اور دیگر کے خلاف بدعنوانی اور کرپشن کی انکوائری جاری ہے، جس کے دوران انکشاف ہوا کہ سندھ لینڈ کمیشن کی جانب سے لیز پر دی گئی زمین میں مبینہ خرد برد کی گئی۔
سکھر: عدالت کو بتایا گیا کہ مجموعی طور پر 2030.26 ایکڑ زمین منجمد کی گئی ہے، جو مختلف علاقوں میں واقع ہے۔
تفصیلات کے مطابق ضلع گھوٹکی کے تعلقہ خانگڑھ میں دیہہ خانپور، خانگڑھ، آری مہر، نارو، مکاہی، پٹھان مہر، چاوانی اور علی مہر شامل ہیں، جبکہ تعلقہ میرپور ماتھیلو میں دیہہ واہ بکرو اور ضلع سکھر کے تعلقہ پنوعاقل میں دیہہ ٹھکراٹھو اور نانگورو شامل ہیں۔
عدالت نے اپنے حکم میں سکھر اور گھوٹکی کے ڈپٹی کمشنرز کو ان زمینوں کا “ریسیور” مقرر کرتے ہوئے ہدایت دی کہ زمینوں کی حفاظت یقینی بنائیں اور وہاں سے حاصل ہونے والی آمدنی یا کرایہ سرکاری اکاؤنٹ میں جمع کرایا جائے۔
حکم نامے میں مزید کہا گیا ہے کہ اگر کسی ملزم یا متعلقہ فریق کو اس منجمدی حکم پر اعتراض ہو تو وہ قومی احتساب آرڈیننس 1999 کی دفعہ 13(a) کے تحت 14 دن کے اندر عدالت میں درخواست دائر کر سکتا ہے۔
واضح رہے کہ عدالت نے ڈی جی نیب سکھر کی جانب سے 24 مارچ 2026 کو جاری کردہ حکم کو عارضی طور پر برقرار رکھتے ہوئے کیس کی مزید سماعت جاری رکھنے کا حکم دے دیا ہے۔