کراچی سے گرفتار کوکین کوئین انمول پنکی نیٹ ورک کے رائیڈرز، کیریئرز اور ہینڈلرز کی تفصیلات سامنے آگئیں۔ سب نیا مانیٹرنگ ڈیسک کے مطابق تحقیقاتی حکام نے انمول پنکی کوکین نیٹ ورک کے تین ہینڈلرز اور 22 کیریئرز کا ڈیٹا حاصل کرلیا ہے، کراچی میں ملزمہ کے بھائی شوکت کے ذریعے کوکین نیت ورک چلایا جاتا تھا۔ پنکی کوکین نیٹ ورک کے مرکزی ہینڈلرز کی شناخت حمزہ، عداس اور عاقب کے نام سے ہوئی ہے، کراچی میں سرگرم کوکین نیٹ ورک کے 8 رائیڈرز کا تعلق لاہور، فیصل آباد اور وہاڑی سے ہے۔ کراچی میں نیٹ ورک کے لیے صبا اور انعم عرف اینا نامی خواتین بطور کیریئر کام کررہی تھیں، ہینڈلر حمزہ کو 70 ہزار روپے ماہانہ پر کوکین نیٹ ورک میں کام کررہا تھا۔ اس سے قبل وزیر داخلہ سندھ ضیا الحسن لنجار کا کہنا تھا کہ منشیات فروش خاتون انمول عرف پنکی کے گاہکوں کی لسٹ ہمارے پاس آ چکی ہے۔ سندھ اسمبلی میں پالیسی بیان دیتے ہوئے ضیا الحسن لنجار نے کہا تھا کہ وفاقی تحقیقاتی ادارے (ایف آئی اے) کی مدد سے منشیات فروش انمول عرف پنکی گرفتار ہوئی، معاملے کی تحقیقات ہو جانے دیں حقائق سے ایوان کو آگاہ کروں گا۔ صوبائی وزیر داخلہ کا کہنا تھا کہ منشیات ہمارے بچوں اور ہمارے گھروں میں منشیات آگئی ہے، ہم چاہتے ہیں کہ ہمارے صوبے سے منشیات کا خاتمہ ہو، کم از کم یہ کہے دیں کہ دیر آئے درست آئے ہمیں اپنا قبلہ درست کرنے کی ضرورت ہے۔ ان کا کہنا تھا کہ انمول عرف پنکی کا گینگ پنجاب اور اسلام آباد میں بھی کام کر رہا تھا، ملزمہ کے گاہکوں کی لسٹ ہمارے پاس آ چکی ہے۔ Post navigation سندھ مدرسۃ الاسلام یونیورسٹی (ایس ایم آئی یو) میں 19، 20 اور 21 گریڈ میں مبینہ غیر قانونی تقرریوں کے خلاف سندھ ہائیکورٹ میں آئینی درخواست دائر کردی گئی، عدالت نے سماعت کیلئے منظور کرتے ہوئے متعلقہ فریقین کو نوٹس جاری کردیئے ہیں۔ انمول عرف پنکی کے گاہکوں کی لسٹ ہمارے پاس آ چکی ہے، وزیر داخلہ سندھ
